İctimai Şura

17 may 2021-ci il tarixində fövqəladə hallar nazirinin müavini tibb xidməti general-leytenantı Faiq Tağı-zadə Azərbaycan Respublikasının Fövqəladə Hallar Nazirliyinin yanında İctimai şuranın üzvləri ilə görüşüb.

Nazir müavini Faiq Tağı-zadə Azərbaycan Respublikasının Prezidenti cənab İlham Əliyevin vətəndaş cəmiyyəti institutlarına xüsusi diqqət və qayğısından söz açıb, qeyri-hökumət təşkilatlarının cəmiyyətdə oynadığı rolun əhəmiyyətindən danışıb. Nazir müavini Nazirlik yanında yeni yaradılmış İctimai şuranın fövqəladə halların idarə edilməsi ilə əlaqədar müvafiq rəy və təkliflərinin nəzərə alınacağını bildirib, ictimaiyyətlə səmərəli əməkdaşlığın inkişafına mühüm töhfə verəcəyinə ümidvar olduğunu qeyd edərək ona fəaliyyətində uğurlar arzulayıb.

Sonra Fövqəladə Hallar Nazirliyi yanında İctimai şuranın ilk iclası öz işinə başlayıb. Təşkilati məsələlər müzakirə edilib, səsvermə keçirilib. İki il fəaliyyət göstərəcək İctimai şuraya Beynəlxalq Ekoenergetika Akademiyasının vitse-prezidenti vəzifəsini icra edən Fuad Hacızadə sədr, Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov sədr müavini, “Azərbaycan Qadınları Respublika Cəmiyyəti” İctimai Birliyinin sədr müavini Vəfa Abbasova isə katib seçilib.

İclasda müxtəlif məsələlər müzakirə edilib, şura üzvləri tərəfindən Fövqəladə Hallar Nazirliyinin ölkə əhalisinin təbii və texnogen hadisələrdən qorunması sahəsində gördüyü işlərdən bəhs edilərək, Nazirliyin fəaliyyət istiqamətlərinə uyğun olaraq müvafiq rəy və təkliflərin təqdim edilməsi, şura üzvlərinin əhalinin fövqəladə hallarla bağlı maarifləndirilməsi istiqamətində FHN-in həyata keçirdiyi tədbirlərdə yaxından iştirakı və digər təkliflər səsləndirilib.

FHN yanında İctimai şuranın fəaliyyətinə dair hesabatı

FHN yanında İctimai şuranın tikintidə təhlükəsizlik məsələlərinə həsr olunan iclası keçirilib

FHN yanında İctimai şuranın yanğın təhlükəsizliyi məsələlərinə həsr olunan iclası keçirilib

FHN yanında İctimai şura təhlükə potensiallı obyektlərdə texniki təhlükəsizlik məsələlərini müzakirə edib

FHN yanında İctimai şuranın növbəti iclasında çimərlik mövsümünə hazırlıqla bağlı görülmüş işlər müzakirə olunub

Fövqəladə Hallar Nazirliyi yanında İctimai şuranın növbəti iclası keçirilib

Azərbaycan Respublikasının Fövqəladə Hallar Nazirliyi yanında yaradılacaq İctimai şuranın üzvlüyünə namizədlərin siyahısı

Fövqəladə Hallar Nazirliyi yanında İctimai şuranın növbəti iclası keçirilib

FHN yanında İctimai şuranın növbəti iclası keçirilib

FHN yanında İctimai şuranın ilk iclası keçirilib (video, foto)

Fövqəladə Hallar Nazirliyi yanında İctimai şuraya seçki keçirilib (video, foto)

FHN yanında İctimai şuraya seçkilərin keçirilməsi tarixi və seçkilərdə iştirak edəcək vətəndaş cəmiyyəti institutlarının təmsilçilərinin qeydiyyatı barədə ELAN