15-19 may 2023-ci il tarixlərində Fövqəladə Hallar Nazirliyinin İdman-sağlamlıq klubunun stadionunda Nazirliyin qurumları arasında ümummilli lider Heydər Əliyevin 100 illiyinə həsr olunmuş minifutbol çempionatı keçirilib.
Fövqəladə Hallar Nazirliyinin Qarabağ Regional Mərkəzi tərəfindən “Tərtər rayon Mərkəzi xəstəxanası” publik hüquqi şəxsində “Fövqəladə halların nəticələrinin aradan qaldırılması zamanı mülki müdafiə orqan və qüvvələrin idarə olunmasının təşkili” mövzusunda rəhbər heyətin nümunəvi mülki müdafiə məşqi keçirilib.
Fövqəladə Hallar Nazirliyinin Aran Regional Mərkəzi “Azərenerji” Açıq Səhmdar Cəmiyyəti ilə birgə “İrimiqyaslı fövqəladə hadisələrin nəticələrinin aradan qaldırılması zamanı mülki müdafiə qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirib.
Fövqəladə Hallar Nazirliyinin Aran Regional Mərkəzi tərəfindən Elm və Təhsil Nazirliyinin Ağdaş Dövlət Humanitar Kollecində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib.
ADA universitetininin on nəfər tələbəsinin bakalavr dərəcəsi üzrə diplom işlərinin sənaye mentorluğu Fövqəladə Hallar Nazirliyinin Rəqəmsal texnologiyalar və innovasiyaların inkişafı Baş idarəsi tərəfindən həyata keçirilib. Layihələr Fövqəladə Hallar Nazirliyi ilə ADA universiteti arasında əməkdaşlıq çərçivəsində icra edilib.
Fövqəladə Hallar Nazirliyinin Sumqayıt Regional Mərkəzi tərəfindən Sumqayıt Dövlət Universitetində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib.
Fövqəladə Hallar Nazirliyinin Şimal Regional Mərkəzi tərəfindən şəxsi heyət üçün “Heydər Əliyev İli” çərçivəsində Quba rayonunda yerləşən Heydər Əliyev Mərkəzinə ekskursiya təşkil olunub.
Fövqəladə Hallar Nazirliyinin Cənub Regional Mərkəzi Ekologiya və Təbii Sərvətlər Nazirliyinin Meşələrin İnkişafı Xidmətinin Masallı Regional Meşə Təsərrüfatı Mərkəzində “Təbii fəlakətlər zamanı düzgün davranış qaydalarının təbliğ olunması” mövzusunda “dəyirmi masa” keçirib.